KALIBO, Aklan–Ginpasiguro it Barangay Council it Barangay Pook sa banwa it Kalibo nga pagataw-an it insigida nga aksyon ro ginasugid nga perwisyo nga daea it madamoe nga sanga it puno it kahoy sa daeanon.
Ginpahayag ni Punong barangay Ronald Marte nga matapos makabaton it pilang ka mga reklamo partikular sa mga motorista hay insigida nana nga ginmanduan ro anang barangay kagawad nga paga-utdon ro madamoe nga sanga ag limpyuhan ro nasambit nga daeanon
Sa kamatuoran suno kana hay nauna eon nga nalimpyuhan ro nasambit nga lugar ag ginpungoe ro mga sanga apang madasig man ro uman nga pag-eambo.
Na-obserbahan sigon nanda nga kadasig ro pag-eambo it sanga bangud sa padayon nga pag-inuean.
Sa pihak nga parte, panawagan man ni Kapitan Marte sa mga pomoeuyo partikular sa tag-iya it nasambit nga lugar nga limpyuhan ro andang ugsaran para indi man makatao it perwisyo sa mga motorista.
