KALIBO, Aklan–Ginklaro it Pook barangay council nga ro nagviral eon man nga video sa social media kon siin makit-an ro mga pamatan-on nga nagadueomugan ag ginalibutan it iba pang pamatan-on nga natabo sa baybayon nga sakop it nasambit nga lugar hay bukon it bag-o ag ko nagtaliwan pa raya nga dag-on natabo apang ginpost it uman agud nga may istoryahan.
Suno kay Punong Brgy. Ludy V. Pinos, insigida nana nga gin-usisa ro lugar ag napamatud-an nga uwa it bag-ong scenario nga kaparehas sa natabo sa Kalibo pastrana park.
Owa suno kana sanda nakasayod sa motibo it nagpost it video kon ham-an it uman raya nga ginpakalhit sa social media maskin nga bukon eon it bag-o.
Ginpahayag dugang ni Pinos nga nagta-o raya it kabaeaka sa mga residente ag maging ro Department of Social Welfare and Development ukon DSWD hay nagtawag kana agud nga ikutana ro nasambit nga bagay.
Apang, todo balibad ro opisyal bangud nga uwa raya it kamatuoran ag ko nagtaliwan pa nga dag-on natabo.
Ginklaro dugang it kapitan nga eowas pamasyaran ro andang baybayon ag sigidas man sigon ro andang monitoring sa lugar para sa kaeowasan it mga dayo.
