Ginpangunahan ni Pope Francis ro misa sa St Peter’s Square kahapon ro adlaw it mga lukay , raya hay sang adlaw eamang pagkatapos nga makaguwa imaw sa ospital bangud sa pag-angkon kara it masakit nga bronchitis.
Ro pagka-ospital it 86-anyos nga Santo Papa ag kalisod kara sa pag ginhawa hay nagtuga it pagkabaeaka nga basi indi eon imaw makatambong sa serye it mga ritwal nga pinaka-importanteng dominggo sa kalendaryong Kristiyano.
Apang nagpromisa si Pope Francis nga magatambong imaw , ag nagkaway pa raya sa haeos 30,000 katawo samtang nakasakay sa anang popemobile sa plaza, nga gindesinyuhan it masobra 35,000 nga tanom ag bueak.
Ro adlaw it lukay hay ginmarkahan bilang pag-abot ni Hesus sa Jerusalem antes ro anang pagkaeansang sa krus.
