Pope Francis, maisog nga ginkondena ag gintawag nga “armed aggression” ro pag-atake sa Ukraine

Uman nga ginkondena ni Pope Francis ro nagakatabo nga mas naga-grabe nga giyera makaron sa Ukraine bangud sa pag-atake it Russia.

Maisog raya nga ginpahayag it Santo Papa sa anang Angelus sa atubang it libu-libong tawo sa St. Peter’s Square ag ginpahayag nga dapat nga mapundo eon ro bukon it tama nga armadong pagsalakay.

Ginpasiguro it Santo Papa nga barbaric ag owa it balidong estratehikong rason ro pagpatay sa mga unga ag  bukon it armadong sibilyan.

Samtang, gintawag man nana nga “martyred city” ro ginkubkob nga siyudad it Mariupol kadungan it anang uman nga  pag-apela para sa sangka matuod nga euwas humanitarian corridors agud nga pasugtan ro pagbakwit it  mga residente.