Nag-apela it pangamuyo sa publiko si Pope Francis para kay dating Pope Benedict XVI.
Suno kay Bombo International Correspondent Girlie Ongoco it Rome, Italy, gin-anunsiyo it Santo Papa sa anang general audience sa Vatican nga bukon eon it maayos ro kondisyon it 95-anyos nga dating Santo Papa nga nag- resign sa anang posisyon kapin sa siyam nga dag-on eon ro nakataliwan.
Ginpahayag dugang ni Ongoco nga posibleng sa edad eon it dating Santo Papa rason nga nagahina eon ro pang eawason kara.
Angot kara, ro mga simbahan sa Italya hay nagapatigayon it rosaryo angot sa hinyo it Santo Papa.
Suno pa kay Ongoco, may sakit ro dating Santo Papa apang uwa ginpaguwa ro kongkretong sakit kara bangud eon man sa anang edad nga nagabatyag eon it pagpaeanakit it eawas ag makaron hay naglala eon raya.
Madumduman nga ko 2013 hay ginkibot ni Pope Benedict XVI ro bilog nga kalibutan sa ana nga desisyon nga mag- resign sa anang posisyon.
