Padayon nga naga-improba ro sitwasyon ni Pope Francis.
Suno kay Girlie Ongoco, Bombo International News Correspondent sa Rome, Italy, maayos eon ro sitwasyon it santo papa kumpara ku mga nagtaliwan nga dominggo apang padayon man rayang nagagamit it oxygen mask sa gabie ag nasal support kun agahon para masuportahan ro anang paggainhawa.
Sa makaron sigon, indi ghapon mahambae kun hin-uno raya makaguwa it ospital.
Dugang pa nana, naga selebrar ro santo papa it anang ika-12 anibersaryo sa ospital ag uwa it maskin anong espesyal nga selebrasyon bangud umpisa kat raya hay ginsueod sa ospital, uwa pa raya nakaguwa ukon nagpakita sa mga pumueuyo.
Suno man sigon sa report, naka monitor imaw sa mga hitabo sa Vatican kapareho it mga Rosary ag misa. Ku nagtaliwan nga dominggo bago imaw atakihon, padayon sigon ro anang speaking engagement angot sa katawhayan it kalbutan kaya makabig nga padayon nana nga ginaubra anang trabaho biskan una imaw sa ospital.
Dugang pa nana, base sa anang mga nababatian nga kun engkaso mag resign ro santo papa, ro paeangan nga naga-ubra it sangag nga mangin kabaylo nana hay si Louis Antonio Tagle, sangka Filipino nga pari. Gusto sigon it mga Italian biskan ro anang mga abyan nga si Tagle ro magbueos sa santo papa ingkaso nga raya hay mag-halin sa serbisyo.
