International News————Nagpahayag it pagkabaeaka si Pope Francis sa nagakatabo nga kinagamo sa Afghanistan.
Sa anang domingguhan nga Angelus sa Vatican, nagpanawagan raya it matawhay nga pag-istorya sa nasambit nga nasyon.
Ginhinyo nana sa mga tumueo-o nga ipangamuyo ro mga pumueoyo it Afghanistan.
Madumdumang mabahoe nga lugar sa Afghanistan ro nasakop eon it Taliban matapos ro pagkakas it US sa andang mga soldado sa nasambit nga nasyon.
Samtang sa pihak nga parte, gin-anunsyo ni Malaysian Prime Minister Muhyiddin Yassin nga imaw hay magaresign sa puwesto makaron nga adlaw it Lunes.
Raya hay matapos nga uwa nana nabueo ro majority it pungkuan sa ruling coalition.
Igasumite ni Yassin ro anang resignation kay King Al-Sultan Abdullah.
Ko Marso 2020 kat magdaog si Yassin sa sangkiri eamang nga abante.
Naging pressure kana kat ro mga mamalidha nga miyembro it United Malays National Organization (UMNO) party hay nag-withdrew it andang suporta.
