Posibleng una sa kritikal nga kondisyon si Pope Francis bangud sa anang masakit.
Sa pakikipag-angot it Bombo Radyo Kalibo kay Bombo International News Correspondent sa Rome, Italy nga si Girlie Ongoco, nag dugang ag mas naging masami ro pagtao kana it oxygen.
Presente gihapong una sa ospital ro santo papa ag naging mahugot ro pag-alaga pati eon man ro pag bantay kana, indi sigon raya pwede bisitahon it iba kundi mga doktor ag nurses eamang.
Dugang pa nana, may napabalita nga raya hay may kidney failure man kaya mas nag dugang ro pagsister kana.
Ro ospital kun sa siin ro santo papa hay ginatag-iyahan it Vatican kun sa siin idto gina daea ro mga VIP ukon mga importanteng tawo bangud tanan nga mayad nga doctor hay idto ag raya hay may mga high-tech ukon mga modern nga kagamitan kaya mahambae nga una sa mayad nga alima si Pope Francis.
Abo man sigon ro mga nag-alay it andang pangamuyo ag nag padaea it mga mensahe para sa anang pagpamayad, ag raya hay ginkasadya ag ginpasaeamatan it santo papa.
