Uwa pa it kasiguraduhan ro Vatican kun madayon ro pagbiyahe ni Pope Leo XIV sa mga nasyong Uruguay, Argentina ag Peru.
Pagahiwaton kunta ro pagbiyahe it Santo Papa halin Nobyembre 6 hasta 17.
Suno sa Vatican nga kinahangean anay nanda it dugang nga pag-usisa sa 71-anyos nga Santo Papa matapos nga magpasaidaeom raya sa operasyon para kakason ro natipon nga tissue sa anang baga.
Uwa eon sigon it kinahangean pa nga therapy para sa Santo Papa apang kinahangean pa kara it dugang nga obserbasyon.
Kinahangean it adjustments sa mga schedule kara para makabulig sa daeayon nga pag-mayad kara.
Posibleng sa mga masunod nga adlaw hay pagakumpirmahon it Vatican kun madayon ro pagbiyahe it Santo Papa.
Madumdumang ku nagtaliwan nga Oktubre 18 kat daeayon nga makaguwa eon sa pabueungan ro Santo Papa ag pa-amat-amat eon rayang magbalik sa anang trabaho sa Vatican.
