KALIBO, Aklan—Pormal eon nga nagpanumpa bilang bag-ong alkalde it banwa it makato si Ramon Legaspi III nga ginpangunahan it Department of the Interior and Local Government ukon DILG.
Raya hay kasunod it pagkamatay ni mayor Abencio Torres.
Nasayuran nga si Legaspi ro dating bise alkalde ag mayor – elect sa bag-o eamang natapos nga eleksyon.
Samtang, umpisa Hulyo 1, magiging vice mayor it banwa hay ro unang kagawad nga nagdaog nga si sb member Langkoy Mationg matapos nga mabakante sa pagkamatay ni Torres nga nagdaog bilang vice mayor.
Sa nabilin nga 30 diyas ro magaserbi nga vice mayor hay si SB member Nilo Amboboyog.
Ginpabilin man nga bakante ro sang slot sa sangguniang bayan bangud nga owa pa nakadesisyon ro partido nga imaw ro maga-nominate.
Sa pihak nga parte, nagpaabot man it kasubo ag pakikisimpatiya ro pamilya Legaspi sa pamilya Torres sa pagkamatay ni mayor Abencio ko nagtaliwan nga adlaw bangud sa heart attack.
