Ginabantayan makaron it mga awtoridad ro mahimo nga patagas it langis halin sa 2 barko halin sa China nga sumadsad sa Currimao shoreline ku agahon it Biyernes bangod sa mabaskog nga baeod ag hangin nga daea it parehong halin sa nasyon nga China apang mga Pilipino tanan ro tripulante it 2 vessel.
Ro MV Aries 1 hay may 5 tripulante nga 5 buean nga nakadaong sa Currimao port samtang ro LCT PanPhil 8 man hay 15 crew nga nag-abot eamang sa nasambit nga pier ku nagtaliwan nga dominggo.
Suno kay PCG-Ilocos Norte station commander Lt. Joseph Christian Sagun, nakaangkla ro 2 barko sa nasambit nga pwesto kat anuron it mabaskog nga baeod tapos sumadsad sa manabaw nga bahin it kaeawran.
Eksplenasyon it opisyal nga nakaangkla ro Chinese vessel sa Currimao port samtang ginahueat nga maproseso ro andang certificates of conversion bilang domestic trader halin sa Maritime Industry Authority (Marina).
Gin-eksamina man it Currimao local government ro sitwasyon it mga Pilipinong crew halin sa mga sumadsad nga barko ag gindaehan man it PCG it mainom nga tubi ro mga raya
