Nagaklaro eon sigon ro posibleng relasyon ni Sual, Pangasinan Mayor Dong Calugay sa naging pagtakas ni Alice Guo halin sa Pilipinas.
Suno kay Senate subcommittee on Justice Chair Risa Hontoveros, may mga nagguwa nga impormasyon angot sa posibleng relasyon it alkalde it Sual sa pagtakas it grupo, base sa gin-isturyahan sa sangka executive session sa pinakahulihing hearing it subcommittee.
Madumduman nga ko raya eamang Huwebes, Sept. 5 hay nag-convene ro subpanel it sangka executive session para pamatian ro pilang mga sensitibong testimonya ag mga impormasyon.
Maskin nga limitado eamang ro ginhambae ni Hontiveros, pinangaeanan kara ro alkalde it Sual nga posibleng may ideya sa kontrobersyal nga eskapo.
Suno sa senador, nagasalig imaw nga maging ‘available’ ro alkalde kung pagatawgon raya.
Nag apela pa ro Senador sa alkalde nga indi kunta raya mag insigida it halin sa nasyon.
Una eon nga ginpangutana ni Hontiveros si Shiela Guo kung sayod kara nga may relasyon sanday Mayor Alice ag Mayor Calugay, sinabat raya ni Shiela nga sa anang pagkasayod hay mag barkada ro daywa.
