Gintalakay sa session it Sangguniang Panlalawigan it Aklan ro position letter nga ginpaguwa ni Aklan governor Joen Miraflores angot sa anang panindugan kon sa siin nakabaehag nga nagapamaeabag raya nga ieakot sa ginaduso nga West Aklan Special Economic Zone Authority ukon WASEZA ni Aklan second district representative Teodorico Haresco ro barangay Caticlan ag isla it Boracay sa banwa it Malay.
Ginkasugtanan sa plenaryo taw-an it kabakod ro panindugan it gobernador pinaagi sa sangka resolution kon sa siin insigida man raya nga gintalakay ag unanimously approved it mga oppisyal it SP.
Apang, ginataw-an it ligwa sa position letter ni governor Miraflores ro mga local government units officials it ibang banwa kon magapasakop sa WASEZA kaparehas it banwa it Ibajay ag Tangalan.
