-- ADVERTISEMENT --
NATIONAL News —- Nakaplastar eon ro post election plan it Philippine National Police (PNP) engkaso nga makaangkon it gulo pagkatapos it eleksyon.
Ro pahayag hay ginhimo ni PNP OIC Police Lt Gen Vicente Danao Jr., bangud sa posibilidad it pag-angkon it hubeag protesta ro supporters it pilang kandidato pagkatapos it eleksyon.
Hasta nga owa sigon it kinagamo nga matabu ag malinong ro protesta hay pagapasugtan man nanda raya.
Apang indi sigon pagapasugtan it PNP nga makaangkon it kinagamo sa tunga it protesta.
Suno kay Danao, maskin nga raya hay case to case basis, indi sigon magaduha-duha ro PNP nga dakpon ro mga nagawala, nagapanamad it property ag nagatuga it pag-gutok it daeagan it trapiko maeapit sa polling precincts.
-- ADVERTISEMENT --
