Target nga maipanaba ro poverty rate sa nasyon sa katapusan it termino it Marcos administration sa dag-ong 2028.
Ginpahayag ni Department of Finance (DOF) Secretary Benjamin Diokno nga ro nasambit nga plano hay kaparte it medium-term fiscal consolidation framework it ahensiya nga iprisenta sa unang Cabinet meeting it pangueo.
Bukon eamang sigon it sa growth target magatutok ro administrasyon kundi maging sa pagpanaba it numero it mga kubos sa nasyon nga target nga pagahimuon nga single-digit it Marcos adminsitration.
Dugang pa it DOF chief, kapin sa 25% ro poverty rate sa nasyon ku nagtaliwan nga unang dag-on it termino ni dating Pangueong Duterte apang nagnaba sigon raya it 18 asta 17% antes tumama ro pandemiya sa nasyon.
Rason nga may sangkiri nga pagnaba apang ro target sa makaron hay mapanaba ro poverty rate it kapin sa 9% pag-abot it dag-ong 2028.
