Ginpahayag ni Senator Panfilo “Ping” Lacson nga nauntat sigon ro imbestigasyon it Philippine Reclamation Authority (PRA) sa reclamation project sa Taguig City matapos gin-pressure kuno ni anay Senate President Alan Peter Cayetano ro mga opisyal it ahensya sa budget deliberations it Nobyembre 2025.
Suno kay Lacson, ginpatawag kuno ni Cayetano ro mga opisyal it PRA ag ginbanta nga ipasususpinde ro deliberasyon it budgets it Office of the President.
Suno pa sa PRA, uwa it reclamation permit ro Taguig City government para sa nasambit nga proyekto.
Ginpahayag ni Lacson nga ginapaabot nga magpatigayon uman it imbestigasyon ro PRA ag posible nga ma-forfeit pabor sa national government ro reclaimed land kon mapamatud-an nga ginpatuman raya nga uwa it permiso.
Samtang, ginpasa eon sa Ombudsman ro mga dokumento, case study ag affidavits nga may kaangtanan sa umano’y anomalya sa flood control projects sa Taguig.
Ginhueat pa ro reaksyon ni Cayetano sa mga alegasyon.
