-- ADVERTISEMENT --
Ginpaeawig pa sa ika-ap-at nga kahigayunan it Land Transportation Franchising and Regulatory Board (LTFRB) ro prangkisa it kapin sa 25,000 tradisyunal nga jeep sa Metro Manila.
Suno sa LTFRB, ro pagpaeawig it prangkisa hay agud nga mataw-an it tyempo ro mga jeepney driver ag operator nga magbilog it kooperatiba nga mandato sa idaeom it jeepney modernization program it gobyerno.
Una eon nga gintaeana ro pagpaso it prangkisa it traditional jeepneys sa Abril 30, 2023.
Tuyo it nasambit nga programa nga mabayluhan ro mga tradisyunal nga jeep it mga saeakyan nga ginapadaeagan it environment-friendly fuels.
Posibleng mag-apply ro operators ag drivers para sa bag-ong mga prangkisa apang bilang kaparte it transport cooperatives.
-- ADVERTISEMENT --
