Uman nga pinahaba it Land transportation Franchising and regulatory Board ukon LTFRB ro prangkisa it mga tradisyunal nga Jeep hasta December 31, 2023.
Raya ro ginkumpirma ni LTFRB Chair Teofilo Guadiz III matapos an ro andang pagpueong kaibahan ro nagkaeain-eain nga transport group kahapon nga adlaw it miyerkules.
Nauna kara, naghangkat eon man ro pilang ka transport group it igakasa nga untat-biyahe sa sueod it sang dominggo ag ginaeauman nga linibong commuter ro maapektuhan.
Suno kay Land and Transportation Franchising and Regulatory Board Chairman Teofilo Guadiz III, tuyo it andang ahensya nga mataw-an it kahigayunan ro mga driver ag operator nga magpasakop ukon magbilog it kooperatiba ukon korporasyon para sa Public Utility Vehicle modernization program it gobyerno, raya man sigon hay para masayran it ibang transport group nga bukas ro andang ahensya sa pakig-istorya antes ro planong transport strike.
Sa makaron, ginapahaom eon it ahensya ro panibag-ong memorandum circular bangud eon man sa pagbag-o it petsa nga palugit sa mga prangkisa it Jeepney.
