Sa tunga it waea-tuo nga mga fake news ag prank angot sa 2019 novel coronavirus nga nagatuyo nga magpanghadlok it ibang tawo, uman nga umapela si Department of Health Sec. Francisco Duque III nga punduhon eon ro mga makarondaya nga hilimuon .
Sa interview it Bombo Radyo, ginpahayag ni Duque nga mas delikado pa sigon raya sa virus bangud sa pagkaeabaka nga ginatuga kara sa ibang tawo.
Nasayuran nga sangka prankster nga nakilaeang si Marlon de Vera it Purok 2, Barangay Bigaa, Legazpi City ro inaresto it mga otoridad matapos magpakuno-kuno nga biktima it nCoV ag nag-collapse sa entrance it sangka mall.
Sa pihak nga parte, nagpanawagan man ro sekretaryo nga indi pagpasugtan ro mga malisyosong post sa social media kontra sa mga Chinese national.
Indi sigon makapamayad makaron nga tyempo ro mga racist remark ag diskriminasyon sa mga Chinese bangud nga tawo man sanda nga may baeatyagon ag owa man nanda gin-gusto nga makaangkon it problema sa nCoV.
