-- ADVERTISEMENT --
KALIBO, Aklan—Ginaplantsa eon makaron it Philippine Statistic Authority ukon PSA-Aklan ro mga tikang angot sa pagpatigayun it pre-registration it National ID system makaron nga buean it Enero.
Suno kay Mr. Peter Mangilog, Statistician II it PSA-Aklan prayoridad nandang unahon nga mai-rehistro ro mga pigadong pamilya sa probinsya it Aklan.
Eauman sigon nga makaangkon sanda it house-to-house visit para maumpisahan eon ro implementasyon it national ID system.
Sa makaron hay nagapadayun pa sigon ro andang training sa field operation sa pagkasa it programa.
Ginapangayo man kara ro kooperasyon it publiko agud nga maging madinaeag-on ro nasambit nga proyekto.
-- ADVERTISEMENT --
