Magapadayon sa adlaw it Lunes, Hunyo 22, ro pre-trial conference sa impeachment case kontra kay Vice President Sara Duterte matapos nga uwa pa makumpleto ro pagmarka it ebidensya it magtimbang nga bahin.
Suno sa defense panel, pilang artikulo pa it impeachment ro kinahangean talakayon, kaibahan ro mga alegasyon it bribery, graft and corruption, pageabag sa Konstitusyon, ag betrayal of public trust.
Ginabueubanta nga 25 hasta 30 testigo ro igarepresenta it kampo ni Duterte, kaibahan ro mga reserve witnesses, samtang nagkasugot eon man ro depensa ag prosekusyon sa andang listahan it mga testigo.
Sa pihak it mga nabilin nga proseso, target gihapon it magtimbang nga bahin nga maumpisahan ro impeachment trial sa Hulyo 6, sa pihak nga posibleng umabot pa it pilang adlaw ro pre-trial bangud sa kaabo it ebidensyang kinahangean usisaon.
