KALIBO, Aklan—Preparado eon ro master list it mga frontline healthcare worker sa probinsya it Aklan nga pagabakunahan makaron nga adlaw.
Raya hay sa pihak it tuyo it gobyerno nga maunang bakunahan ro mga frontliner, indigent, senior citizen ag mga uniformed personnel.
Suno kay Dr. Leslie Ann Luces it Provincial Health Office (PHO)-Aklan nga nagtaeana sanda it 7 priority list kung siin ginakaeakipan raya it COVID-19 Referral Hospitals Dedicated; Hospitals Catering to COVID-19 Cases; Qurantine Facilities; Remaining Hospitals; Government-owned Community Base Primary Care Facilities; Remaining Health Facilities ag Close Health Institution.
Mabuhay eon suno kana nga naka-prepara ro listahan it mga master list rason nga haum sanda anumang oras nga itao raya sa Department of Health (DOH) engkaso nga kinahang-eanon it ahensya.
Ginpasiguro man ni Dr. Luces nga ro mabahoe nga porsyon it ABL Sports Complex hay gintaeana para sa monitoring it mga indibidwal nga maka-experiensya it adverse effect matapos nga maturukan it bakuna.
Samtang, ginpahaum eon nanda ro tanan nga kinahang-eanon para sa vaccination rollout kamana man nga nagtaeana sanda it hotline para sa mga pumueoyo nga maka-experiensya it bukon it manami matapos nga mabakunahan.
