Ginpasaeamatan ni Pangueong Rodrigo Duterte ro mga nagtambong sa ginpatigayon nga thanksgiving concert para kana sa Quirino Grand Stand.
Matag-od eamang ro naging pahayag it Pangueo kung siin ginpasaeamatan kara ro pomoeuyong Pilipino.
Gintambongan man it mga kilaeang singer ag artista ro nasambit nga “Salamat PRRD” concert.
Naging highlights kara ro drone show nga nagpakita it itsura ag kamao nga simbolo ni Pangueong Duterte.
Samtang abo man ro naging emosyonal kapin tag kinanta man it pangueo ro paborito karang kanta nga “Ikaw” ag kaibahan man raya sa pagkanta it Petula Clark song nga “Fill the World with Love” nga kinanta it mga grupo it mga doctor ag medical frontliners.
Sa pihak nga parte, kaibahan it pangueo nagtambong ro asawang si Honeylet Avanceña, Senator Imee Marcos, Senator Bong Go ag pilang mga cabinet members
