-- ADVERTISEMENT --
Personal nga naka-istorya ni Pangueong Ferdinand Marcos Jr. si Cambodian Prime Minister Hun Sen matapos ro pagtambong kara sa ASEAN summit sa Phnom Penh.
Natabo ro pagpueong it daywa sa Peace Palace sa Cambodian capital nga host it 40th ag 41st ASEAN Summits and Related Summits halin Nobyembre 10 hasta 13.
Ginpahayag it Office of the Press Secretary nga nagaeaum si Pangueong Marcos nga ro ASEAN hay magadaea it pagbuylog ag katawhayan sa bilog nga kalibutan.
Nagkasugot ro daywang lider nga pabaskugon ro kooperasyon sa tunga it daywang nasyon nga magalibot sa agrikultura, geopolitics, finance ag digitalization.
Matueopangdan nga nauna eon nga nakipagpueong ro pangueo sa mga business leaders it Cambodia.
-- ADVERTISEMENT --
