Sandig sa ginaeauman it tanan, sari-saring mga ginhinyu ag panawagan ro ginhathat ni Pangueong Ferdinand Marcos Jr. sa anang kauna-unahang State of the Nation Address (SONA) kahapon, adlaw it Lunes, Hulyo 25 sa Batasang Pambansa.
Ginhathat it pangueo ro umabot sa kapin 19 nga prayoridad nga proposisyong laye nga mabahoe sigon ro igabaulig sa pagbangon it ekonomiya nga kinahangean sa an-um nga dag-on nga pagdumaea it anang administrasyon.
Sambilog sa ginproponir it pangueo nga naghakot gid it nagakaeain-eain nga reaksiyon hay ro maibalik ro ROTC program bilang mandatory sa senior high school programs ukon sa Grades 11 ag 12.
Raya hay sakop ro tanan nga public ag private tertiary-level educational institutions.
Tuyo ni Marcos nga mas ma-engganyo, ensayo, organisa ag mobilize ro mga studyante para sa national defense preparedness partikular ro kahauman nanda sa mga kalamidad ag sa mga risk-related situations.
Madumduman nga nauna eon nga ginpahayag ni DepEd ag Vice President Sara Duterte ro kagustuhan nga igabalik ro mandatory ROTC sa masunod nga pagbukas it klase.
