Ginmando ni Pangueong Ferdinand Marcos Jr ro pagbilog it inter-agency task force para sa pagpahaom ag koordinasyon sa gobyerno para sa FIBA Basketball World Cup 2023 nga igapatigayon sa nasyon.
Sa anang Administrative Oder No. 5, ginmanduan nana nga pagapangunahan it Philippine Sports Commission (PSC) ro pagabilogon nga task force.
Kaibahan sa mga opisina sa nasambitang task force hay ro Department of Foreign Affairs, Department of Health, Department of the Interior and Local Government, Department of Public Works and Highways, Department of Tourism, Department of Transportation, Bureau of Customs. Bureau of Immigration, Philippine National Police ag Metropolitan Manila Development Authority (MMDA).
Kaeakip man nga magabulig ro mga government-owned or controlled corporations, state universities ag mga colleges.
Gin-engganyo man kara ro mga local government units, non-government organizations ag private sectors nga makipagkoordinasyon ag suportahan ro FIBA Basketball World Cup 2023.
Nauna eon nga naglunsar ro Samahang Basketball it Pilipinas it volunteer program.
Mag-eowas sigon sa Pilipinas hay kaibahan ro Indonesia ag Japan nga magiging host it 2023 FIBA World Cup nga maga-umpisa halin Agosto 25 hasta Setyembre 10, 2023.
