Owa sa gihapon it g opisyal nga komunikasyon ro Malacanang kung ginbaton eon ni Pangueong Ferdinand “Bongbong” Marcos Jr. Ro ginhimu nga pagresigned ni Agriculture Undersecretary Leocadio Sebastian.
Madumduman nga nagresigned si Sebastian matapos nga matukiban nga pumirma raya para sa pangaean it pangueo, apisar nga owa it pagpasugot maghalin sa Pangueo nga aprubahan ro sangka kontrata.
Suno kay Press Secretary Trixie Cruz- Angeles, ro buyot paeang nanda sa makaron hay ro sueat it DA official.
Sa resignation letter hay may pag-aku it pagkasaea ro opisyal, kapareho it ginhimu karang pag-convene sa board ag pag-isyu it resolusyon.
Samtang, owa pa it development suno kay Angeles sa iba pang opisyal nga eakot sa kontrobersiya, partikular sa estado it andang ginabuytan nga puwesto.
Owa pa sigon it bag-ong kasuguan angot sa status it iba pang subject it pagtan-aw, samtang nagapadayon ro imbestigasyon.
Sa pihak nga parte, sambilog man sa gina-imbestigahan hay si SRA Administrator Hermenegildo Serafica.
