KALIBO, Aklan—Mainit nga gina-istoryahan makaron ro pagka-diskubre it sangka graduating veterinary student it Aklan State University (ASU) main campus sa sangka reptile partikular ro Ati False Gecko.
Suno kay Flavio Nava, tumandok it Iloilo City ag Secretary General of Wildlife Conservation and Protection Society nga nag-adto imaw sa Brgy. Osman, Malinao ko Abril 2, 2023 para magpatigayun it dokumentasyon ag pagtuon sa existence it endangered southern indigo-banded kingfisher apang natyempo nga nakit-an nana ro nasambit nga bag-ong reptile specie.
Nagdesisyon sigon imaw nga bue-an it litrato ro mga importanteng detalye it reptile kamana man nga nakipag-angot sa sangka herpetologist expert nga si Emerson Sy.
Raya sigon ro nagkumpirma nga ro anang nakita nga reptile hay sangka Ati False Gecko.
Bangud sa dokumentasyon ni Nava hay nakumpirma ro presensya it mga reptile sa isla it Panay.
Nagaeaum si Nava nga may una nga magka-interes nga magpatigayun pa it mas madaeom nga pagtuon sa nasambit nga reptile agud nga mas masayuran ro papel kara sa ecosystem.
