Gin-eksplekar it pamunuan it Armed Forces of the Philippines ro rason kun haman may presenya it pwersa it Estados Unidos sa ginbilog nga Task Force Ayungin.
Suno sa AFP, nagatao eamang raya it mga technical assistance sa mga sundalo it nasyon nga naka-deploy man sa nasambit nga kaeawran.
Ginhimo it sandatahang lakas it Pilipinas ro pahayag matapos ro naging kumpirmasyon ni US Secretary of Defense Lloyd Austin III nga may presensya it mga sundalo it US sa nasambit nga shoal.
Pamilit man ni AFP Public Affairs Office Chief, Col. Xerxes Trinidad nga ro tropa it US hay nagatao raya it information-sharing sa Command and Control Fusion Center.
Punto pa ni Trinidad, makabulig raya sa maritime domain awareness it nasyon nga magamit agud makahimo it plano para sa mga programa ag mga aktibidad sa pagprotekta sa interes it Pilipinas sa ginaagawan nga teritoryo sa WPS.
