KALIBO,Aklan–Dumipensa si Engr. Jun Agravante, presidente it Federation of Livestock, Hogs and Poultry Raisers nga uwa it malisya ag uwa it maeain nga intensyon ro anang pagkwestyon sa Office of the Provincial Veterinarian ukon OPVET Aklan angot sa breakdown it P3 milyon pesos nga ginbuoe it taeatapan sa P10 milyon pesos maghalin sa quick response fund it gobyerno probinsyal para sa mga apektadong hog raisers it African Swine Fever ukon ASF virus.
Suno kana, oportunidad eon raya para sa OPVET nga ipaathag kon siin maadto ro nasambit nga kantidad it kwarta bangud nagaeaum sanda sa pederasyon nga mabayaran ro mga apektadong indibiwal eabi eon ro eubus nga nalugi kat tinamaan it ASF virus.
Ginapaabot eamang sigon nana ro sentimyento it mga kaparehong hog raisers para maklaruhan man ro mga raya.
Nauna eon nga ginklaro ni Dra. Mabel Siñel it OPVET Aklan nga ro P1,260,000 pesos nga kaparte it P3 milyon pesos nga logistics hay igata-o sa culler, sample collector, documenter, specimen handling and processing ag restrainer nga ginakomponeran it inde magnaba sa 20 katawo.
