Napangayo it pasaylo si Turkish President Recep Tayyip Erdogan sa pumueuyo it Turkeyi bangud sa pilang pagka-delay sa rescue operations sa mga biktima it mabaskog nga linog sa nasambit nga lugar.
Raya hay anang ginpahayag sa anang pagbisita sa sambilog sa mga lugar nga grabeng tinamaan it magnitude 7.8 nga linog.
Kung madumduman, humakot it waea-tuong batikos maghalin sa mga earthquake survivor sa Adiyaman si Erdogan bangud sa mahinay nga pagpadaea kara it bulig ag responde sa mga biktima it nasambit nga trahedya nga ro iba pa hay nagasugid nga pinabay-an sigon sanda it andang gobyeno.
Kasunod kara hay nagpaathag si Erdogan nga bangud sa mabahoe nga epekto it nag-eontad nga linog ag maging ro maeain nga panyempo rason nga nalisdan ro mga otoridad nga insigidang rumesponde sa Adiyaman sa mga unang adlaw matapos ro natabong trahedya
