JUST IN — Ginpahayag ni Presidente Ferdinand Marcos Jr., nga pagapangaeanan nana ro bag-ong education secretary nga magabueos sa pwesto ni Vice President Sara Duterte-Carpio antes nga matapos ro makaron nga domingo.
Suno kana nga masyadong importante ro nasambit nga posisyon.
Nasayuran nga owa nagtau it anuman nga rason si Duterte sa anang pag-resign bilang sekretaryo it nasambit nga ahensiya.
Sa pihak nga parte, may kaangtanan sa insidente sa Ayungin Shoal, ginpahayag ni Marcos nga bukon it armed attack ro natabu, apang ro hugut nga pagpamaeabag it China Coast Guard nga makapatigayon it andang resupply mission ro mga soldadong Pilipino.
Dugang pa kara nga maabu pa nga dapat nga obrahon ro Pilipinas kaysa magprotesta.
Ginpamilit pa ni Marcos nga ro pag-abswelto kay dating Senador Leila de Lima hay nagapamatuod nga ro Philippines justice system hay nagahueag, apang owa sigon nagabag-o ro anang posisyon sa owa it hurisdisyon ro ICC nga magpasilabot.
Sa pihak nga parte, sa pagpadaeagan it tatlong Duterte sa Senado sa maabot nga eleksyon, ginpahayag ni Marcos nga free country ro Pilipinas, apang masyado pang temprano agud nga maghambae.
Ro Uniteam alliance suno kana hay owa nagbag-o, apang raya hay magadepende kon ano ro magiging panindugan ni Vice President Sara, kon sin-o ro anang paga-apinan ro administrasyon ukon oposisyon.
