KALIBO, Aklan–Uman nga gin-insister ni senador Manny Pacquiao nga pagasuk-ean kara ro korapsyon sa gobyerno ag pasabton ro mga korap nga opisyal sa oras nga swertehon nga maging presidente it nasyon.
Sa ginpatigayon nga Comelec-KBP PiliPilipinas Forum 2022, ginpaandaman ni pacquiao ro mga manakaw partikular ro mga nagatrabaho sa gobyerno nga paga-ilibahon sanda sa presuhan sa idaeum it anang administrayon.
Bangud sigon sa korapsyon rason nga naga-antus ro publiko ag owa naga-asenso ro Pilipinas.
Handum nana nga sa ulihi hay indi eon maga-agto ro mga Pilipino sa ibang nasyon agud nga magtrabaho sa baylo ro mga ibang lahi eon ro maga-ambisyon nga magatrabaho sa pilipinas.
Bangud nga naghalin sa pigado nga pamilya, mabahoe suno kana ro anang pagkaeo-oy sa mga tawo nga nagakalisod.
