KALIBO, Aklan—Pabor si Presidential Candidate Senator Manny Pacquiao nga ibawae ro pag-angkon it political dynasty sa nasyon.
Apang, bangud nga sangka demoktratiko nga nasyon ro Pilipinas rason nga may kahilwayan ro kada isaea.
Dapat sigon nga taw-an it konsiderasyon ro kinamatarong it kada pumueoyo.
Suno kay Pacquiao, kinahang-ean nga mausisa it mayad ro mga pamilya nga may record it pagiging korap para indi madaeahig ro ibang miyembro nga una sa pulitika.
Dapat sigon nga i-audit it natungdan nga ahensya it gobyero ro kada pamilya nga eakot sa korapsyon agud nga mapundo eon ro bulok nga sistema.
Gin-insister man kara nga dapat masampolan ro sin-o man nga mapamatud-an ag ikulong.
Sa pihak kara, nagapati si Pacquiao nga bukon it tanan nga miyembro it political dynasty hay kurap kamana man nga ro iba kanda hay tampad sa pagtao it serbisyo-publiko.
