-- ADVERTISEMENT --

KALIBO, Aklan—Nagapati si Presidential candidate Senator Manny Pacquiao nga kinahang-ean eon it mga pumueoyo nga magpangabuhi kaibahan ro pandemya.

Raya ro gintaw-an it punto it mamalidha sa gin-organisa nga presidential debate it Commission on Elections (Comelec) sa Sofitel Harbor Garden tent kabi-i, Marso 19.

Suno kana, dapat nga pabaskugon ro contact tracing ag saraduhon ro border it nasyon para mas madali ma-kontrol ro pagkalhit it virus.

-- ADVERTISEMENT --

Apang, dapat sigon nga padayun ro trabaho para masiguro nga indi maapektuhan ro pangabuhian it mga pumueoyo kamana man nga kinahang-ean gihapon nga magsunod sa health and safety protocols para mapabilin nga euwas sa tunga it pandemya.