National News————Matapos magpagguwa it warrant of arrest ro Senado, nag-atender eun si dating Presidential economic affairs adviser Michael Yang sa pagpamati sa Senate Blue Ribbong Committee.
Pamaagi sa sangka interpreter, ginpamalibaran ni Yang nga may kaangtanan imaw sa kompaniya nga nakabo-oe it bilyun-bilyong pisong haeaga it mga kontrata sa Department of Budget and Management (DBM).
Apang gin-ako man kara nga nagpangayo kana it bulig ro Pharmally ag ginpakilaea nana ro mga opisyal kara kay Pangueong Rodrigo Duterte ag sa mga supplier it medical supplies.
Depensa kara, owa imaw it may nasayuran sa mga naging kontrata it Pharmally sa gobyerno.
Samtang , ginpahayag man ni Linconn Ong, sambilog sa mga opisyal it Pharmally nga ginbuligan sanda ni Yang nga makausoy it ‘sources’ it medical supplies.
Dugang pa kara nga si Yang man ro naging garantiya nanda sa suppliers.
Suno man kay Pharmally president and chairman Huang Tzu Yen, owa sanda nakipag-istorya kay Yang umpisa nga magkilaea ko dag-on 2017.
