KALIBO, Aklan—Sa kauna-unahan nga kahigayunan, nagpatigayun it virtual courtesy call si Olympic gold medalist Hidilyn Diaz kay Pangueong Rodrigo Duterte.
Raya hay kasunod it anang pag-uli it kauna-unahang bueawan nga medalya halin sa olimpiyada para sa Pilipinas matapos ro haeos syen anyos nga paghueat.
Dikara, ginpasiguro it pangueo nga magatao imaw tatlong milyong peso ag fully furnished nga house and lot kay Diaz mag-eowas pa raya sa 10 milyon pesos nga cash incentives nga igatao it gobyerno.
Magahalin sigon ro 3 milyon sa office of the president.
Kadungan kara, gintaw-an man it pangueo si Diaz it Presidential Medal of Merit.
Eubos man ro kalipay ni Diaz sa pagdayaw nga anang nabaton halin sa pinakamataas nga lider it nasyon.
Angot kara, nagpaabot man it andang pagtamyaw sanday Senator Bong Go, Transportation Secretary Arthur Tugade, Presidential Spokesman Harry Roque, Vaccine Czar Carlito Galvez Jr ag Health Secretary Francisco Duque III.
Nag-abot sa Ninoy Aquino International Airport (NAIA) sakay it .//Kun siin, kaibahan kara ro Pinoy skateboarder nga si Margielyn Didal ag bilog nga team HD.
Madumduman nga nagdaog si Diaz it bueawan nga medalya sa 127 kilograms category para sa weightlifting ko adlaw it Lunes sa nagapadayun nga 2020 Tokyo Olympics.
