International News ———-Gin-insister it tagapaghambae it Pentagon nga naging transparent sigon sanda sa kampo ni President-elect Joe Biden.
Halata sigon nga ginatinguhaang harangon it kampo ni US President Donald Trump ro pagpungko bilang Presidente ni Biden.
Suno kay Biden, nakaeksperyensya sigon ro anang team it pagharang halin sa political leadership.
Nagapati man raya nga kritikal ro papel it ahensya sa seguridad it Estados Unidos nga nakaeksperyensya it mabahoe nga pagkasamad sa idaeom it administrasyon ni US President Donald Trump.
Umpisa sa Enero 20 hay pormal eon nga magapanumpa bilang bag-ong Presidente it Amerika si Biden maskin padayon pang nagapakatig-a si Trump nga inde imaw mag-concede.
Matapos sigon ro eleksyon nga ginpatigayon ko Nobyembre 3 hay uwa raya nakakabaton it key intelligence briefings bilang essential ag normal nga parte it Presidential transition.
Madumduman nga gindayaw ni Biden ro White House bangud sa pagbulig kara sa transition process apang gulping nag-eain ro tono kara matapos ro ginpatigayon nga briefing it national security ag foreign policy aides.
