Nagadueutdutan sa mga presuhan sa nasyon eabi eon sa New Bilibid Prison sa Muntinlupa.
Bangud sa pagdueutdutan, may oras ro pagtueog it kada inmates.
Indi puwedeng magdueueungan bangud nga indi mag-igo sa selda.
Maabu man ro nagataeapnan it sakit ag nagakamatay.
Kon namatay ro presu, igatambak eang sa punerarya hasta nga maging mummified.
Owa raya nasolusyunan it mga naging Bureau of Correction (BuCor) chief kaibahan ro suspendidong si Gerald Bantag nga ginaturo nga “utok” sa Percy Lapid slay case.
Ro kapasidad eamang it NBP hay 6,435 nga presu apang sa makaron may una raya nga 29,204 nga presu idtu.
Masobra pa sa sardinas sa pagdueutdutan ro naexperiensiyahan it mga presu.
Indi eon mataeupangdan nga may nagasueod nga illegal drugs ag iba pa kamana man nga may eakot sa pagpatay.
Ginakwartahan man it mga corrupt nga prison guard ro mga “may kaya” ang mga presu pinaagi sa pagpaeusot it mga kontrabando kapareho it aeak, drugs , cellphone ag maskin mga prostitute.
Ro pagdueutdutan sa NBP ro nagduso kay BuCor acting director Gregorio Catapang Jr. para magplano nga magpatindog it national prisons sa 17 nga rehiyon sa nasyon.
Engkaso nga mataw-an it katumanan ro mga presuhan sa kada rehiyon, mabawasan ukon basi nga owa haeos it presu sa NBP.
Manami ro nasambit nga plano ni Catapang ag dapat suportahan.
Engkaso nga madayun, imaw ro kauna-unahang BuCor chief nga nakahimo it himala sa pambansang presuhan.
Mabuhay eon nga ginahandum nga makaangkon it maayos nga presuhan.
Kabay nga matabu ro handum ni Catapang.
