Nagapabilin nga nagatinaas ro presyo it asukar sa merkado publiko apisar it sigidas nga ginapinatigayon nga importation it gobyerno sa nasyon it tole-tolenadang asukar.
Suno kay Betty Robelo sangka negosyante it asukar sa banwa it Kalibo nga indi man sa gihapon nanda mabatyagan ro epekto it nasambit nga importation bangud sa bukon sa gihapon it stable ro presyo it asukar.
Maganaba sigon it mga sang dominggo ro tao kanda it supplier apang magataas eoman sa masunod nga mga inadlaw rason nga sigidas man ro andang pag-adjust it presyo.
Indi man sigon sanda makaboue it maabuan kada pagnaba it tao kanda it supplier bangud sa nagabasa ro asukar kung mabuhay nga igastock.
Samtang, ro presenteng presyo sa makaron it white sugar hay gaabot sa kapin 95-96 pesos ag ro dating 74-75 kada kilo it brown sugar hay gaabot eon sa makaron sa kapin 78 pesos kada kilo.
Ginpahayag dugang pa kara nga eauman pa it mga manugbakae nga magataas pa sa masunod nga Dominggo ro presyo iy asukar sa merkado publiko.
Sa pihak nga parte, nauna eon nga ginpahayag it gobyerno nga ro pag-import ro sambilog sa tikang para maging bastante ro supply it asukar sa nasyon ag para mapanaba kara ro presyo sa merkado
