Presyo it asukar sa merkado publiko, may pagnaba it kapin sa P2

May pagnaba makaron  ro presyohanan  it asukar sa merkado publiko kasunod it nagahilapit nga Semana Santa.

Suno kay Betty Robelo, sangka vendor sa Kalibo Public Market nga bangud sa bastante nga suplay it asukar sa nasyon,  daeayun eon gid nga nagnaba it sangkiri ro presyo kara sa merkado publiko.

Eakman eon sigon ro kapin sa daywang pesos nga pagnaba  it presyo kara kaysa sa owa gid.

Sa makaron, ro brown sugar hay nagabalor it P78-80 kada kilo samtang P82 kada kilo ro puti nga asukar.

Sa pihak nga parte , sa nagahilapit nga Semana Santa paga-eauman man it mga konsumidor ro pagtaas it kaeamay nga nagapangunang sangkap sa paghimu it mga maeagkit nga pagkaon  bangud sa kakueangan it suplay kara sa nasyon.