NATIONAL News —- Posibleng mag-abot it hasta sa P400 ro kada kilo it baboy makaron nga ‘ber’ months ukon samtang nagahilapit ro holiday season.
Ginpahayag it Pork Producers Federation of the Philippines (PROPORK) nga raya hay bangud sa nagnaba nga supply tuga it mga kaso it african swine fever (ASF).
Base sa price monitoring it Department of Agriculture, nagtaas sa P370 ro kada kilo it baboy halin sa P355 kada kilo sa mga baealigyaan sa Metro Manila, kumpara ko nagtaliwan nga domingo.
Suno kay PROPORK Vice President Nicanor Briones nga maabu ro tinamaan it ASF sa Northern Luzon ag Mindanao samtang madasig man nga ginbaligya ro mga baboy maskin nga kueang sa timbang.
Sa datos it Bureau of Animal Industry, naga-inabu ro mga lugar sa nasyon nga ginpaidaeum sa red ukon infected zone umpisa ko Hunyo bangud sa nasambit nga sakit.
Uman nga nagpanawagan si Briones sa gobyerno nga padasigan ro pagpanupod it indemnification sa mga hog raiser nga tinamaan it ASFF agud nga ma-engganyo sanda nga i-report kun tumama ro sakit sa andang lugar.
