KALIBO, Aklan—Nagtaas eon ro presyo it karne it baboy sa mga baealigyaan sa banwa it Kalibo.
Suno kay Rafael Fuentes, sangka meat vendor nga raya hay bangud sa mataas nga demand makaron nga holiday season.
Mataas suno kana ro presyo it buhi nga baboy nga kaeabanan nga nagahalin sa mga probinsiya it Romblon, Antique ag Negros Occidental partikular sa Bacolod City.
Bangud sa pagpanaeasa it African Swine Fever ukon ASF hay owa eon it masyadong naga-alaga it baboy sa Aklan.
Halin sa regular price nga 295 pesos per kilo, ro presyo it baboy hay nagahampang eon makaron sa 320 hasta 340 pesos.
Samtang, maskin nga medyu mahae eon ro presyo hay nagapabilin nga abu ro nagabakae partikular ro andang mga suki .
Samtang, sa bisperas it Paskwa, Disyembre 24 hay ginaeauman nga magakatay sanda it 13 hasta 15 bilog nga baboy bilang preparasyon sa pagdagsa it mga bumaeakae.
Kaeabanan sigon nga madahog kada may okasyon ro mga giniling, liempo, ag paras .
Gin-anunsyo man nana nga half day eamang sanda sa adlaw it paskwa ukon December 25.
