Maga-umpisa eun nga magnaba ro presyo it bugas umpisa sa katung-anan it Oktubre it presenteng dag-on.
Gintawag raya ni DA Sec. Francisco Tiu Laurel bilang anang “fearless forecast”.
Eksplenasyon it sekretaryo nga nagakaubos eun ro mga naunang stock it bugas nga mataas ro presyo ag nababayluhan it mas barato nga bag-ong stock.
Ginsahalimbawa pa it sekretaryo nga kun makaron hay una sa P50 kada kilo ro presyo it bugas, dapat nga magnaba eun raya sa P45 kada kilo sa masunod nga buean.
Sa pagpamati sa Senado, ginpahayag ni Sec. Laurel nga mabatyagan ro full effect kara sa Enero 2025.
Una eun man nga ginreport it Philippine Statistics Authority nga nagnaba ro presyo it bugas nga nagresulta sa mas madahan nga inflation rate sa nasyon nga una sa 1.9% ku Setyembre.
