Presyo it bugas, nakaangkon it sangkiri nga pagtaas

KALIBO, Aklan–Aminado ro Provincial Agricultural Office nga nakaangkon it sangkiri nga pagtaas sa presyo it bugas sa mga nagapangunang merkado sa probinsya it Aklan.

Suno kay Provincial Agriculturist Salome David nga bangud sa pagtaas it transportation cost it mga bugas nga nagasueod sa probinsya rason nga nakaangkon it paghueag sa presyo.

Base sigon sa report nga nabuoe nanda sa Philippine Statistics Authority (PSA), nasayuran nga bukon it bastante ro produksyon it bugas sa Aklan.

Buot hambaeon kara indi masarangan it probinsya nga masuplayan ro tanan nga mga pumueoyo rason nga ginakinahang-ean mag-angkat halin sa kaeapit nga mga probinsya.

Ginpahayag dugang nga mas maabu ro konsumidor kaysa sa producer it paeay ukon bugas sa Aklan.