Pagaeauman ro pagtaas it presyo it bugas sa masunod nga mga binuean.
Raya ro ginpahayag ni Jay Delos Santos, sangka negosyante it bugas sa Kalibo Public Market.
Suno kana nga raya hay tuga it bukon it bastante nga ani it mga mangunguma makaron nga milling season.
Ginpaathag kara nga eauman it mga konsumidor nga sa pagsueod it buean it Mayo hay owa eon haeos it bugas nga mabakae sa P36-38 kada kilo.
Sa kamatuoran sigon hay haeos imaw eon lang makaron sa Kalibo Public Market ro may nasambit nga presyohanan.
Maghalin sigon sa andang kaugalingon nga paeayan ag ani ro nasambit nga mga bugas rason nga barato.
Kumpara sigon sa ibang manugbaligya nga ga umpisa sa P40 ro kada kilo it andang baligya nga bugas bangud sa ginaboue ro mga raya sa andang supplier sa ibang lugar.
Apang gin-aku man kara nga ro andang lokal nga suplay hay paubos eon.
Sa makaron, nagaabot sa kapin P55kada kilo ro pinakamahae nanda nga imported nga klase it bugas.
Sa pihak kara, ginpasiguro man ni Delos Santos nga makaangkon it uman nga pagnaba sa presyo it bugas sa masunod nga mga binuean kung bastante eon ro ani it mga mangunguma sa masunod nga milling season
