KALIBO, Aklan—Posibleng makaangkon it pagtaas sa presyo it bugas sa mga masunod nga adlaw kasunod it sigidas nga pagsipa it presyo it produktong petrolyo sa nasyon.
Suno sa sangka rice vendor sa bahin it Roxas Avenue Extension, Kalibo nga mabahoe ro naduea sa andang kita umpisa nga magpanaeasa ko pandemya ko Marso 2020.
Mag-eowas kara, nabatyagan man nanda ro epekto it mataas nga presyo it mga baeak-eon kung siin haeos kinilo eon lang nga bugas ro ginabakae it mga pumueoyo.
Suno kana, apisar nga sambilog ro bugas sa nagapangunang ginakonsumo it mga ordinaryong pamilya hay may mga kahigayunan pa gihapon nga matumal ro andang pagbaligya.
Ginapahayag nga kaeabanan sa andang ginabaligya nga bugas hay mga ani mismo it lokal nga mangunguma sa Aklan samtang ro iba hay gin-angkat halin sa kaeapit nga probinsya kapareho it Mindoro.
