KALIBO, Aklan — Padayun ro pagnaba it retail prices it bugas sa mga baealigyaan sa banwa it Kalibo.
Suno kay Cervien Lee Saldivia, sangka negosyante it bugas sa banwa it Kalibo nga mayad nga balita sa mga bumaeakae bangud nga may una gihapon sanda nga baligya nga P40 kada kilo it bugas ukon P1,000 kada 25 kilos nga sako.
Ro imported rice partikular ro super denorado ag nagkaeain-eain nga klase it hasmin rice hay nagahampang ro presyo sa P1,160 kada 25 sacks ukon may retail price nga P55 hasta P45.
Ro pinakamahae sa andang bugas hay ro black rice nga P80 per kilo.
Ginaeauman suno kana nga ro trend it manaba nga presyo it bugas hay magadere-deretso hasta sa masunod nga daywa hasta tatlong buean.
Nagapati man ro negosyante nga nakaangkon it manaba nga presyo it bugas bangud sa bastante nga supply sa parehong local ag imported rice.
Nauna eon nga ginpahayag it gobyerno nga ro sambilog sa mga rason it pagnaba it presyo it bugas hay ro pagnaba it taripa halin sa 35% sa 15%.
Kasunod raya it ginpaguwa ni Pangueong Ferdinand Marcos Jr. nga Executive Order No. 62 ko Hunyo 2024 nga nagabawas sa taripa sa imported nga bugas.
