KALIBO, Aklan—Sa pihak it pagnaba it presyo it buhi nga baboy, nagapabilin sa dating presyo ro karne kara sa talipapa sa Oyo Torong St. Kalibo.
Makaron, ro liempo hay mabakae gihapon sa 200 pesos kada kilo, ro pork chop hay 170 pesos per kilo, unod hay 180 , ro siki hay 150 hasta 160 ag ro buto-buto hay 160 pesos kada kilo.
Padayun nga nagabuhos ro mga bumaeakae sa talipapa bangud nga mas manaba ro presyo kumpara sa kalibo public market.
Nataeupangdan man it mga bumaeakae nga mas mataas pa ro presyo it isda kumpara sa karne it baboy ag manok nga nagahampang makaron sa 160 hasta 165 pesos per kilo.
Samtang, ginkumpirma ni Ronald Gerardo, meat vendor sa Oyo Torong talipapa nga nagbarato makaron ro pagbakae it buhi nga baboy nga naga abot eon lang sa 100 hasta 105 pesos ro kilo.
Raya hay bangud sa pagtaas it numero it mga gina-alagaan nga baboy sa backyard ukon sa mga baeay-baeay.
