NATIONAL News — Ginaduso it farmers’ group nga Samahang Industriya ng Agrikultura (SINAG) sa Department of Agriculture (DA) nga mag-inspect sa cold storage facilities sa posibleng hoarding it euy-a kadungan it pagsaka sa presyo kara apisar nga may importation.
Suno kay Agriculture Assistant Secretary ag spokesman Arnel de Mesa nga indi magnaba sa 4,248 metric tons (MT) it imported nga euy-a halin sa China ro nag-abot.
Suno kay De Mesa, ginpasugtan ni Agriculture Secretary Francisco Tiu Laurel Jr. ro importasyon bangud nga ro mga lugar nga naga-produce it euy-a kapareho it Calabarzon ag pilang parte it Sierra Madre ro apektado it nagtaliwan nga bagyo.
Pahayag nana nga ro presyo hay dapat nga indi mag-eampas sa P100 kada kilo.
Ginpahayag ni SINAG chairman Rosendo So nga apisar it pagnaba it production sa Nueva Ecija, nagaeaum sanda nga ma-normalize ro local production sa Nobyembre ukon Disyembre.
Sa monitoring it DA sa Metro Manila, ro presyo it euy-a hay nagahampang sa P220 hasta P350 kada kilo.
